VI Дүйнөлүк көчмөндөр
оюндарынын илимий программасы
VI Дүйнөлүк көчмөндөр оюндарынын илимий программасы көчмөн цивилизациясынын мурасына, салттуу билимдерге, маданияттар аралык диалогго жана көчмөн маданияттын дүйнөлүк өнүгүүдөгү азыркы маанисине арналган эл аралык интеллектуалдык аянтча болот.
Программанын алкагында дүйнөнүн ар кайсы өлкөлөрүнөн келген алдыңкы окумуштуулардын, изилдөөчүлөрдүн, маданият таануучулардын жана эл аралык эксперттердин катышуусунда эл аралык конференциялар, эксперттик сессиялар, илимий-практикалык талкуулар жана изилдөөлөрдүн бет ачарлары өткөрүлөт.
Дүйнөлүк көчмөндөр оюндарынын тынчтыкты чыңдоодогу, маданияттар аралык өз ара аракеттенүүнү өнүктүрүүдөгү жана адамзаттын материалдык эмес маданий мурасын сактоодогу аянтча катары ролуна өзгөчө көңүл бурулат.
ЭЛ АРАЛЫК ИЛИМИЙ-ПРАКТИКАЛЫК
ПРОГРАММАНЫН ФОРМАТЫ:
ПРОГРАММАНЫН ФОРМАТЫ:
Эл аралык конференция (3 күн, 100–120 катышуучу)
Жаштар үчүн илимий форум (студенттер, магистранттар жана аспиранттар үчүн)
Алдыңкы эксперттердин катышуусунда пленардык жыйындар
Материалдык эмес мурастарды сактоонун санариптик жана архивдик ыкмалары боюнча мастер-класстар
«XXI кылымдын көчмөндөрү» аттуу фотокөргөзмө (маданий программа менен биргеликте)
Илимий экспедициялардын, мультимедиа жана VR-долбоорлордун презентациялары
Тематикалык секциялар жана тегерек столдор
Талаа этнографиялык сессиялары жана көчмө изилдөөлөр
Катышуучулар ошондой эле Кыргызстандын ыйык жайларына — Таш-Рабат, Сулайман-Тоо, Саймалуу-Таш, Бурана жана башка жерлерге экскурсияларга катыша алышат. Конференциянын жыйынтыгы боюнча илимий макалалар жыйнагы жарыяланат.
ТЕМАТИКАЛЫК БАГЫТТАР
Көчмөн элдердин этнографиясы
каада-салттары, фольклору, кол өнөрчүлүгү, символикасы
Тарыхый изилдөөлөр
миграциялар, маданияттар аралык байланыштар, Евразияга тийгизген таасири
Спорттук антропология
салттуу оюндар жана алардын коомдогу ролу
Экология жана туруктуулук
көчмөн жашоо образы жана айлана-чөйрө
Заманбап чакырыктар
глобалдашуу жана маданий коддун адаптациясы
Диний аспектилер
көчмөн коомдордогу руханий практикалар
Аялдар жана мурас
билимдерди жана салттарды өткөрүүдөгү аялдардын ролу
Билим берүү жана басылмалар
мектептер, мастер-класстар, методикалар жана архивдик иштер
КИМ КАТЫША АЛАТ?
Илимий программага VI Дүйнөлүк көчмөндөр оюндарынын Жобосунда белгиленген талаптарга жооп берген бардык өлкөлөрдүн делегациялары катыша алышат. Катышуу баяндамалар аркылуу да, дискуссия форматында да мүмкүн. Форматы — офлайн, талаа изилдөөлөрүн жүргүзүү мүмкүнчүлүгү менен.
